Ky numër i buletinit ka në fokus vizionimin. Një vizion afatgjatë i së ardhmes së qytetit është element kryesor në planifikimin e zhvillimit të qëndrueshëm dhe përmirësimin e kualitetit të jetës së qytetarëve.

Ngjashëm me moton e programit “Së bashku Bëjmë Qytete më të Mira”, një vizion ‘më i mirë’ ka të bëjë me bërjen së bashku të Vizionit. Vizioni nuk është vetëm një ëndërr e ardhshme, por një perspekivë afatgjatë e cila merr parasysh vlerat e komunës, mundësitë duke mos i injoruar edhe problemet dhe sfidat e saj. Dhe natyrisht, ëndërrimi është pjesë e tij gjithashtu.

Këto aspekte janë mirënjohur nga pjesëmarrës nga komunat tona partnere. Artikujt nga Kryeshefat e Ekzekutivit, planerët dhe përfaqësues të shoqërisë civile janë kontribut domethënës që reflekton këndvështrimet e ndryshme të eksperiencës nga punëtoritë katër ditore të vizionimit.  Pjesëmarrja e qytetarëve përmes Këshillit Joformal të shoqërisë civile, e themeluar si pjesë e procesit të planifikimit ka rrit kualitetin e zhvillimit të përbashkët të vizionit.