Rreth neshë

Drejtori Ekzekutiv

Joan Clos

Ish, Kryetari i Barcelonës, Joan Clos, ka karrierë të gjatë në Qeverinë Spanjolle si në nivelin qendror dhe në atë lokal. Në mes të viteve 2006 dhe 2008, u emërua Ministër i Industrisë, Turizmit dhe Tregtisë, në kabinetin e Presidentit José Luis Rodriguez Zapatero. Para kësaj, në mes të viteve 1997 dhe 2006, Joan Clos shërbeu në dy mandate si Kryetar i Barcelonës. Së fundmi ishte ambasador në republikën e Turqisë dhe në atë të Azerbejxhanit.  

Eksperienca
I diplomuar në Mjekësi, me specializim në Shëndetin Publik, Joan Clos, së pari shërbeu si Drejtor i Shëndetit Publik, në Qeverinë Komunale të Barcelonës në 1979. Gjatë kësaj periudhe ishte nismëtar i konceptualizimit të Ligjit të Përgjithshëm të Sistemit të Mjekësisë së Përgjithshme, që çoi në futjen e këtij ligji në Sistemin Kombëtar të Shendetësisë Spanjolle.

Si këshilltar, ne mes të viteve 1983 dhe 1987, Clos ishte i njohur për përmirësimin e menagjmentit komunal dhe për inicimin e projekteve për përtëritjen urbane. Në veçanti, ai e drejtoi rigjenerimin e Ciutat Vella-s (Distrikti i Qendrës së Barcelonës) përmes një serie të intervenimeve të hollësishme duke përfshirë investimet financiare dhe sociale si dhe në përforcimin e objekteve urbane.

I emëruar si zëvendës kryetar në dy mandate, nga viti 1991, Clos e ri-organizoi strukturën ekonomike dhe financiare të Sallës së Qytetit të Barcelonës, me qëllim të përmbushjes së kritereve për Lojërat Olimpike. Ishte poashtu nismëtar në krijimin e programit financiar për investimet mbas Lojërave Olimpike.

Kryetar i Barcelonës
Gjatë qëndrimit të tij si Kryetar, prej 1997 deri 2006, Joan Clos vazhdoi tutje me implementimin e programeve investuese për qytetin e Barcelonës. Një nga projektet më ambicioze ishte projekti për dizajnimin dhe pregatitjen e Projektit Barcelona22@, që kishte për qëllim të renovimit të zonave teknologjike dhe industriale të qytetit. Për këtë qëllim rreth 250 hektarë të tokës në njërën nga zonat më të zëna të Barcelonës u riorganizua me banesa sociale, hotele dhe zyre. Me 2004, në këtë zonë u mbajt Forumi i parë Kulturor, ku në po të njejtin vend u mbajt edhe Forumi Botëror Urban I Kombeve të Bashkuara, i dyti me radhë.

Përveç eksperiencës së tij në Barcelonë, Joan Clos ka eksperiencë të konsiderueshme regjionale dhe ndërkombëtare. Ai ndihmoi në krijimin e Conzorciumit Regjional për Transportin Publik që ka të bëjë me menagjimin dhe koordinimin e transportit publik, duke e krijuar një sistem të tiketimit të përbashkët për 5 milionë banorë në një zonë prej 3,500 km/2. Clos po ashtu e krijoi edhe Planin Metropolitan për Menagjimin e Mbeturinave Urbane që çoi në mbylljen e kolektorit të mbeturinave Garraf, duke krijuar katër zona të trajtimit të mbeturinave të pajisura me aparatura për reciklim

Në nivelin ndërkombëtar, me 1998, Joan Clos u emërua President i rrjetit ndërkombëtar të qyteteve Metropolis. Në vitin 2000, ai u emërua President i Asociacionit Botëror të Qyteteve dhe Asociacioneve Lokale, (WACLAC). Në mes të viteve 2000 dhe 2007, ai ishte Kryetar i Komitetit Këshilldhënës për Autoritetet Lokale të Kombeve të Bashkuara, (UNACLA). Me 2004, shërbeu si  zëvendës-president i Qyteteve të Bashkuara dhe Qeverive Lokale (UCLG). Ne mes të viteve 1997 dhe 2003, ishte anëtar i Këshillit të Komunave dhe Regjioneve Evropiane, (CEMR).

Ministër i Industrisë dhe Turizmit
Si ministër i Industrisë dhe Turizmit në kabinetin e Kryeministrit  Zapatero, nga 2006 deri 2008, Joan Clos e racionalizoi Tregun Iberik të Energjisë në përputhje me Politikat e Unionit Evropian. Kjo nënkupton krijimin e marrveshjeve bilaterale në mes Spanjës dhe Francës në përmirësimin e linjave elektrike. Gjatë kësaj kohe, përveç iniciativave tjera, u instaluan sisteme energjetike prej 17,000 Mw të energjisë së ripërtëritshme. 

Çmimet
Gjatë mandatit si Kryetar i komunës, Joan Clos-it iu ndanë disa çmime duke përfshirë Medaljen e Artë nga Instituti Mbretëror i Arkitektëve Britanikë për transformimin e Barcelonës, të vitit 1999. Po ashtu në vitin 2002, u nderua nga UN-HABITAT-i me shpërblim nderi për kontributin e tij në inkurajimin e kooperimit global në mes të autoriteteve lokale dhe Kombeve të Bashkuara.  

Bio-Shënime
Joan Clos u lind në Parets del Vallês (Barcelonë) me 29 Qershor 1949. Është i martuar dhe ka dy fëmijë. Diplomoi në Universitetin Autonom të Barcelonës (UAB) në drejtimin e mjeksisë. Më vonë specializoi për Shëndetin Publik dhe Epidemiologji, në Universitetin e Edinburg-ut ( Skoci).

 

Kontaktet

UN-HABITAT zyra në Kosovë

Kati i 10-te 10000 Prishtina, Kosovo
Telefoni: +381 38 200 32611;
Faksi: +381 38 224 122
E-mail: info@unhabitat-kosovo.org

Fillimi > Rreth neshë > Drejtori Ekzekutiv