Programet
Programi i Mbështetjes së Planifikimit Hapësinor Komunal në Kosovë (Nën 2005 Prill 2008)
Programi i
Mbështetjes së Planifikimit Hapësinor Komunal në Kosovë (MuSPP) i financuar nga
Qeveria Suedeze përmes Agjencisë Suedeze për Bashkëpunim dhe Zhvillim ndërkombëtar(Sida), i
mbështeti 6 komuna përmes këshillëdhënies dhe udhëzimeve intenzive në
pregaditjen e planeve komunale dhe urbane. Gjithashtu e asistoi Ministrinë e
Mjedisit dhe Planifikimit Hapësinor dhe i mbështeti organizatat e shoqërisë
civile që të jenë pjesë aktive e procesit.
Koncepti i
programit u zhvillua në bashkëpunim të afërt me komunat e zgedhura për ta
siguruar pronësinë dhe përgjegjësinë e tyre në këto plane bazuar në këshilldhënien
dhe udhëzimet e ofruara nga UN-HABITAT-i.
Gjashtë
komunat ishin: Ferizaj, Gjakova, Gjilani, Mitrovica, Peja dhe Prizreni. Bashkëpunim
i kufizuar u krijua edhe me pilot njësitë e Junikut, Mamushës dhe Hanin e Elezit.
Ministria e
Mjedisit dhe e Planifikimit Hapësinor ishte homolgu i nivelit qëndror të
Programit. Bashkëpunim i afërt u krijua edhe me Asociacionin e Komunave të
Kosovës dhe me Ministrinë e Administrimit të Pushtetit Lokal. Motoja kryesore e
programit ishte Bashkë krijojmë qytete më të mira që nënkupton se duke
planifikuar dhe punuar së bashku qytetet e Kosovës mund të jenë vende më të
mira për të jetuar. Programi i asistoi komunat partnere në hartimin dhe
implementimin e demo-projekteve të vogla që për qëllim kishin përmirësimin e
hapësirave publike në zonat urbane.