Procesi tre-vjeçar i përgatitjes së Planit Zhvillimor Urban të Ferizajt ka përfunduar me aprovimin e tij nga ana e Kuvendit Komunal në seancën e fundit me 29 Janar 2009. Përgatitja e këtij plani i ishte besuar kompanisë Intech, e cila e përfundoi atë në vitin 2008. Ferizaj është komuna e katërt e MuSPP-it e cila e kompletoi dhe e aprovoi planin e saj hapësinor. Me këtë rast do të fillojë edhe implementimi i këtij plani, ku do të fillojë edhe realizimi i projekteve kapitale bazuar në planin e miratuar.

Përveç punës së pastër teknike të bërë nga kompania konsulltuese, ky proces u pasua me takime publike, konsultime dhe me vlerësime të ndyrshme për kualitetin e këtyre planeve nga ana e akterëve të ndryshëm nga sektori publik, organizatat joqeveritare, komuniteti i biznesit, mediat dhe qytetarët në përgjithësi.

Përkrahje planit I është dhënë edhe me anë të deklaratës së Vizionimit bërë nga pjesëmarrësit e gjatë punëtorisë së Vizionimit, të mbajtur në Ohër në vitin 2007. Kjo punëtori ishte organizuar nga Programi I Mbështetjes së Planifikimit Hapësinor Komunal në Kosovë në bashkëpunim me Friedrich Ebert Schtiftung Programme në Kosovë. Kjo i dha mundësi përfaqësuesit të kompanisë konsultuese t’i dëgjojë opinionet e qytetarëve dhe përfaqësuesve të komunës. Rezultatet e punëtorisë më vonë u prezentuan para një mase të madhe qytetarësh. Karakteri pjesëmarrës i procesit të vizionimit u kurorëzua me dorëzimin e Deklaratës së Vizionit te Kryetari i Komunës së Ferizajt, në verë të vitit 2007, nga ana e Këshillit Joformal të Shoqërisë Civile, grup ky i formuar për qëllim të mobilizimit të shoqëisë civile që aktivisht të marr pjesë në procesin e planifikimit.   

Vendimi i Kuvendit Komunal të 29 Janarit, ia dha qytetit dokumentin i cili do të shërbejë si udhërrëfyes për zhvillimet e ardhshme.