Kuvendi Komunal i Mitrovicës miratoi Planin Zhvillimor Komunal(PZHK) dhe Planin Zhvillimor Urban(PZHU), gjatë seancës komunale mbajtur me 4 Maj 2009, hartuar nga konsultantët e kompanisë kosovare “Lin-project” dhe asaj “Metron” nga Zvicrra. Drafti i parë i këtij plani është vënë në shqyrtim publik në Dhjetor të vitit 2008. Mbështetje të madhe këtyre planeve iu dha në formë të deklaratës së vizionit hartuar nga pjesëmarrësit gjatë punëtorisë së vizionimit, e mbajtur në Shkup nga 11-15 Janar, organizuar prej anës UN-HABITAT-it.

Gjatë kësaj seance,Drejtori i Urbanizmit në Komunë, Mehdi Bala theksoi se sugjerimet e bëra nga Kuvendi në seancat e mëhershme janë inkorporuar në versionin përfundimtar të planit. Ai e përmendi edhe procesin e gjatë të hartimit të planeve ku u mbajtën takime, punëtori, debate publike dhe një kampanjë informuese, që quan në verzionin final të këtij dokumenti.