Me 14 Maj 2009, Programi i Mbështetjes në Planifikimin Hapësinor Komunal në bashkëpunim me Kuvendin Komunal të Mitrovicës dhe Shkollën Fillore Meto Bajraktari organizuan një punëtori në qasjen e sigurtë në shkollën  fillore. Kjo puntori mblodhi së bashku përfaqësues nga kuvendi komunal, mësimdhënës, përfaqësues të Handikos-it, pjesëtarë të Policisë së Kosovës, prindër, nxënës dhe banorë të lagjes.

Qëllimi i puntorisë kishte të bënte me identifikimin e problemeve me të cilat ballafaqohen nxënësit gjatë shkuarjes në shkollë dhe në të njetën kohë të gjenden ide të reja për zgjidhjen e problemit duke involvuar edhe akterë të tjerë.  

Drita Nushi, këshilltare e MuSPP-it nënvizoi se roli i programit ka të bëjë me mbështetjen dhënë autoriteteve komunale në çështjet që kanë të bëjnë me lëvizshmëri dhe ngritjen e sigurisë së nxënësve gjatë rrugës së tyre për në shkollë.  

Punëtoria filloi me një ecje në rrethinën e shkollës duke identifikuar vendet e rrezikshme, marrjen e shënimeve dhe vëzhgimin e rjedhës së trafikut. Pas ecjes, punëtoria vazhdoi me mbushjen e pyetësorit, që mw vonw pasoi me identifikimin çështjeve kyçe të sigurisë, që kishin të bënin me parkimin illegal tw veturave në trotuar, mungesën e shenjave të trafikut dhe  zebrave për kalim në afërsi të shkollës, shpejtësia  e madhe e veturave në rrugën dykahëshe dhe mungesa e mbrojtëseve në vendndërtim. Megjithkëtë, nga nga çështjet  e identifikuara që u përmend më së shumti ishte mungesa e ndalesës së hyrjes së veturave në oborrin e shkollës, që e vë në rrezik lëvizjen e fëmijëve për në shkollë.

Problemet, gjetja e zgjidhjes si dhe involvimi i akterëve të tjerë, nga të pranishmit u vendosën ne letra të vogla që më vonë u kapën në hartën e asaj lagjeje. e vendosur nw sallwn e mwsimdhwnwsve ku u mbajt puntoria. Identifikimi i problemeve u pasua me diskutim.

Gjetja e zgjidhjeve do të jetë temë e punëtorisë së ardhshme e paraparë të mbahet me 29 Maj 2009.