Prizreni është një nga komunat më interesante në Kosovë sa i përket trashëgimisë kulturore. Mbrojta e saj është një nga kushtet kryesore që kanë të bëjnë me miratimin e planit të konzervimit të qytetit historik të Prizrenit, miratuar në dhjetor të 2008. Komuna dhe MUSPP-i në Prizren janë duke punuar së bashku në identifikimin e mundshëm të projekteve të investimeve kapitale të cilat nuk do ta dëmtojnë trashëgiminë ekzistuese por që do të kontribuojnë në zhvillimin e qytetit.

Me 15 dhe 18 Korrik 2009 komuna së bashku me ekipën e MUSPP-it organizuan një shëtitje në zonën e vëzhtrimit brenda zonës historike të Prizrenit, si hap fillestar për identifikimin e projekteve potenciale.

Përfaqësuesit a Asociacionit të Artizanëve (dega e grave), komuniteti i biznesit, Këshilli i Ekspertëve, arkitektët lokalë, përfaqësuesit e personave me aftësi të kufizuara, OJQ-të që merren më trashëgimi kulturore, ambient, art dhe grupe tjera interesi që e përbëjnë ekipën e akterëve, morën pjesë në këtë vëzhtrim terreni.

Gjatë vështrimit shumë ide interesante, propozime dhe recomandime u nxorrën nga pyetësorët e plotësuar nga pjesëmarrësit.

Konkluzat nga vështrimi i terrenit do të prezentohen në shtator, para një grupi të akterëve duke përfshirë edhe pjesëmarrësit që ishin pjesë e vëzhgimit.

Rezultatet do të përdoren nga ekipa teknike e projektit në mënyrë që të harmonizohen propozimet e tyre me propozimet e nxjerra nga vështrimi i terrenit. Kjo do të ndihmojë në identifikimin e projekteve kapitale që do të mund të implementoheshin në mënyrë të përbashkët nga komuna dhe MuSPP-i.

Aty u pa nevoja për lidhjen e qendrës së Prizrenit (Shatervan) me linjat e lëvizshmërisë kryesore rreth qendrës me qëllim të përmirësimit të qasjes në pjesë të tjera të komunës, përmirësimin e mjdisit të ndërtuar, dhe krijimin e mundësisë për zhvillim ekonomik. Kjo qendër është poashtu e identifikuar si zonë komerciale, prandaj ky projekt vlerësohet si inkurajues për njësitë dhe bizneset e vogla.

Autoritetet lokale ballafaqohen me një detyrë të vështirë në balancimin e mbrojtjes së trashëgimisë kulturore duke iu përshtatur sfidave të së sotmes dhe të së nesërmes, të cilat kanë të bëjnë kryesisht me përmirësimin e infrastrukturës urbane të qytetit në ngritje të cilësisë së jetës së qytetarëve.

Më shumë në Foto galerinë e MuSPP-it: Vështimet e Zonës