Drafti i parë i profilit komunal për Planin Zhvillimor të Junikut u prezentua në takimin publik të mbajtur në lokalet e Kuvendit Komunal. Në takim ishin prezentë përfaqësues nga Ministria e Mjedisit dhe Planifikimit Hapësinor, përfaqësues të komunës fqinje Deçanit, Kfori Italian, OSBE-ja, ekspertë komunalë dhe një numër i banorëve vendas.

Qëllimi i këtij takimi ishte informimi i publikut për progresin e arritur në procesin e bërjes së PZHK-së. Draft profili i PZHK-së është faza e parë e procesit të planifkimit që është ndërmarrë nga komuna, në mbështetje teknike të UN-HABITAT-it, që e përfshin zonën urbane të Junikut, së bashku me dy fshatrat e tij, Jasiq dhe Gjocaj.

Prezentimi kryesisht përbëhej nga pozita e Junikut në Planin Hapësinor të Kosovës, zonat funksionale, infrastruktura sociale, zhvillimi ekonomik, aspekti fizik i infrastrukturës, transporti, mjedisi, vendbanimet dhe nga sfidat zhvillimore të Junikut.

Prezentimi u bë nga ekipa e MuSPP-it përbërë nga stafi teknik I UN-HABITAT-it dhe ekipa komunale e planifikimit. Ekipa mbështetet edhe nga organizata Trashëgimia Kulturore pa Kufi, e cila e pregatiti Planin Zhvillimor Urban në 2008/9.