Komuna e Junikut në bashkëpunim me MuSPP-in(UN-HABITAT) dhe CHwB-në dhe në mbështetje të Institutit për Planifikim Hapësinor janë duke e hartuar Planin Zhvillimor Komunal të Junikut. Kapitulli i parë I PZHK-së, që e përfshin profilin (studimi i situatës aktuale) dhe vizionin për Junikun tashmë janë hartuar dhe prezentuar para komunitetit dhe palëve tjera.

Hapat tjerë të aktiviteteve të këtij projekti janë identifikimi i synimeve dhe objektivave si dhe krijimi i skenareve për zhvillim në të ardhmen. Me të njejtin qëllim, u organizua edhe punëtoria në Ohër prej 3 deri 6 Nëntor 2009.

Punëtoria e Ohrit mblodhi përfaqësuesit nga Komuna e Junikut, ekipa e MuSPP-it, Ministria e Mjedisit dhe Planifikimit Hapësinor, Instituti i Planifikimit Hapësinor, CHwB-ja, shoqeria civile dhe komuniteti i biznesit si dhe akterë tjerë relevantë pjesëmarrës në këto tri ditë të punës intenzive.

Në pjesën e parë të punëtorisë, pjesëmarrësit u rreshtuan sipas temës, duke i analizuar objektivat dhe synimet kryesore të PZHK-së. Bazuar në sfidat, secili grup i identifikoi synimet dhe objektivat e temës. Grupet e prezentuan punën e tyre në seancën plenare në fund të ditës.

Pjesa e dytë e punëtorisë u fokusua në zhvillimin e planit hapësinor. Pjesëmarrësit u organizuan në dy grupe të mëdha, duke i krijuar dy skenarë të mundshëm për planifikimin e ardhshëm zhvillimor. Skenarët zhvillimor u prezentuan nga ana grafike dhe orale dhe u analizuan në thellësi.

Rezultatet e nxjerra, janë  si në vijim:

Synimet dhe objektivat

Prioritetet strategjike

Konceptet e zhvillimit hapësinor dhe skenarët e mundshëm

Hapat e ardhshëm të projektit përfshijnë nxjerrjen e një skenari të intergruar zhvillimor nga një grup i fokusuar në këtë dhe prezentimi i të arriturave të punëtorisë para komunitetit të gjerë dhe akterëve.