Programi i Mbështetjes së Planifikimit Hapësinor Komunal (MuSPP) në bashkëpunim me Komunën e Hanit të Elezit, organizuan punëtori me qytetarë, përfaqësues të shoqërisë civile dhe zyrtarë komunalë për rishikimin e deklaratës së vizionit të Hani i Elezit, hartuar gjatë punëtorisë së vizionimit mbajtur në Ohër me 2008.

Kryetari i posazgjedhur, Rufki Suma, në fjalën e tij hyrëse e falenderoi MuSPP-in për mbështetjen e dhënë në shumë fusha duke e shprehur nevojën e vazhdimit të mbështetjes sidomos në ngritjen e kapaciteteve të organeve komunale të Hanit të Elezit. 

Zyrtarët e MuSPP-it nga Prishtina dhe nga Hani i Elezit i prezentuan benefitet që dalin nga punëtoria e vizionimit, si hap i rëndësishëm në formësimin e zhvillimit të ardhshëm të qytetit. Për rolin e planifikimit pjesëmarrës dhe vlerësimin e situatës aktuale duke përdorur analizat e  SWOT-it prezentuan zyrtaët e MuSPP-it, qw ka si qwllim rritjen e mirëkuptimit për rëndësinë e planifikimit pjesëmarrës para zyrtarëve të posazgjedhur komunal.

Punëtoria vazhdoi në grupe punuese, të ndara në: kushtet gjeografike dhe fizike, zhvillim ekonomik, infrastrukturw, mjedis dhe demografi si dhe grupi i fundit për zhvillim social.   

Në fund të takimit, pjesëmarrësit nga të gjitha grupet punuese e riformuluan deklaratën e vizionit të Hanit të Elezit, si në vazhdim:

Qendër administrative funksionale e zhvilluar nga përparimet industriale me një mjedis të pastër, infrastrukturë të zhvilluar, dhe jetë të shëndoshë për të gjithë.   

Vizioni i ri do të inkorporohet në planin zhvillimor komunal të Hanit të Elezit që është në hartim e sipër, I cili do të jetë si udhërrëfyes për zhvillimin e ardhshëm.