Në mes të 18 dhe 22 Tetorit 2009, qyteti i Porto-s në Portugali organizoi kongres të rëndësishëm ndërkombëtar për mundësitë e qyteteve për më pak karbon. Planerë nga 57 shtete të botës i ndanë mes vete të arriturat e hulumtimeve të fundit, dhe në të njejtën kohë patën rast të mësojnë nga rastet e suksesshme studimore të qyteteve dhe regjioneve, në fokus të krizës klimatike. UN-HABITAT-i në Kosovë e mundësoi pjesëmarrjen e planerëve lokal dhe ndërkombëtar të Programit Të Mbështjejes së Planifikimit Hapësinor Komunal.

Kongresi i ISOCARP-it u organizua në prag të Konferencës së Kombeve të Bashkuara për Ndryshimet Klimatike (COP 15) si takim i rëndësishëm ndërqeveritar që do të mbahet në Kopenhagë, si përgjigje për serinë e Protokolit të Kyoto-s të vitit1997, e që ka të bëjë me përpjekjen për uljen e emisioneve të gazit. Që nga atëherë gjysma e popullsisë së botës jeton në qytete, dhe nga koncentrimi i njerëzve dhe aktiviteteve të tyre ata e ngarkojnë, në veçanti zhvillimet në tokë. E ardhmja e tyre është kruciale për arritjen qëndrueshmërisë. Kongresi i Porto-s ritheksoi se shumica e aksioneve duhet të ndërmerren në nivel qytetesh. Mënyra se si qyetetet menagjohen dhe planifikohen ka rëndësi të madhe në ngritjen e kësaj çështjeje. Përveç fjalimeve dhe punëtorive, në vazhdim u ngritën diskutime për shfaqjen e ndryshimeve klimatike por gjithashtu edhe për planifikimin duke përdorur konceptet e adaptimit, lehtësimit dhe masat kombinuara që reflektojnë në ndryshimet klimatike.

Prezentimi dhe diskutimet i prekën konceptet e zhvillimit të qëndrueshëm të përdorimit të tokës, që nënkupton se çdo qasje në planifikim është unike, duke konsideruar se nuk ka standarde univerzale dhe çdo kontekst duhet analizuar. Gjithashtu , sistemet efikase të transportit publik, planifkimi i mbeturinave përmes minimizimit të tyre,reciklimi dhe përzierja mund të luajnë rol të rëndëishëm në limtimin e emisioneve të karbonit.

Konferenca gjithashtu i elaboroi idetë për qytetet me më pak karbon. Shembujt nga Evropa Qendrore, të prezentuara në konferencë, treguan për shembull të mirë që duhet ndjekur. Qytetet me më pak karbon duhet të jenë qëllime të reja shtesë për dizajnin urban dhe peisazhin përcjellës. Të arriturat treguan se për menagjment dhe  për qytete me më pak karbon nevojitet konsideratë dhe qasje në nivel.

Në kontekstin tonë, konferenca  i vëri në pah kontekstet e përbashkëta, por gjithashtu edhe rolet e diferenciale dhe përgjegjësitë për vendet në zhvillim. Sfidë për qeverinë qendrore dhe komunat mbetet ta reduktojnë shtrirjen në zonat urbane, ta ngrisin atraktivitetin e transportit dhe  në të njejtën kohë duke e reduktuar emitimin e karbonit. Siç është pritur nga konferenca , “Rritja Urbane pa Shpërndarje Urbane” është koncept që duhet ndjekur. Ndryshimi i modeleve të transportit nga privat në publik dhe promovimi i mënyrës natyrore të jetesës, mund të kenë rol të rëndësishëm në uljen e emisionit.

Mbështetja e UN-HABITAT-it për komunat në planifikim ka rëndësi të madhe për zhvillimin e ardhshëm të qyteteve në Kosovë, dhe në krijimin e vendeve të mira dhe të sigurta për të jetuar. Bashkëpunimi i ardhshëm me partnerët komunal duhet t’i përfshijë teknikat për zvogëlimin e prodhimit të gazrave dhe ndikimin e tyre negativ në kushtet jetësore.