Programi i Mbështetjes së Planifikimit Hapësinor Komunal në bashkëpunim me Komunën e Prizrenit e prezentuan dizajnin final të Projektit Investues Kapital (CIP) për revitalizimin e rrugës së farkatarve në Prizren.

CIP-i është hartuar në bashkëpunim ndërmjet Komunës dhe zyres së MuSPP-it në Prizren ku i tërë procesi është përcjellur nga komentet dhe vërejtjet e komunitetit dhe të bizneseve lokale të cilat janë inkorporuar në dizajnin e projektit, pasiqë natyra e projektit është e tillë, t’u dedikohet qytetarëve.

Drejtori i Shërbimeve Publike në Prizren, Sadik Paçarizi, theksoi se projekti do t’i kontribuojë trashëgimisë kulturore në Prizren dhe do ta përmirësojë jetën e qytetarëve.

Takimi vazhdoi me prezentim të përbashkët të MuSPP-it dhe zyrtarëve nga Departamenti Komunal i Shërbimeve Publike. Prezentimi u karakterizua në bërjen e Rrugës Farkatarve zonë të shtruar në material të cilësisë së lartë në të cilën do të kenë qasje të plotë të gjithë këmbësorët dhe që do ta lidhte këtë rrugë me Shadervanin. Pjesë e këtij projekti do të jetë edhe përmirësimi i ndriçimit, shenjëzimi për rritjen e shfrytëzimit të hapësirave publike të zonës historike, dhe në veçanti t’i nënvizojë dhe të lidhet me vendet historike brenda zonës së projektit (si Tekke, Hamam-i, vendtakimi i Dokufest-it, etj).

Objektivi kryesor i këtij projekti është që të ofrojë një projekt të prekshëm bashkëfinancuar nga të dy palët, përmes një serie intervenimesh me qëllim të krijimit të kushteve për lëvizjen e këmbësorëve brenda hapësirës së trashëgimisë duke përdorur një sërë teknikash të planifikimit pjesëmarrës, standardeve të reja të dizajnimit si dhe teknika të menagjimit të projekteve. Për të qenë më specifik projekti do ta integrojë zonën historike të Prizrenit (Shadervan) me Rrugën e Farkatarëve si linjë e rëndësishme lëvizjeje brenda zonës historike.   

Implementimi i Projektit Investues Kapital të Rrugës Farkatarve do të financohet nga të dy palët, UN-HABITAT-it dhe Komunës së Prizren-it.