Ekipa e Junik-ut – Komuna Junik, Programi për Mbështetjen e Komunave në Planifikimin Hapësinor Komunal (MuSPP), Trashëgimia Kulturore pa Kufi, (CHwB), Ministria e Mjedisit dhe Planifikimit Hapësinor (MMPH), me 11 Shkurt 2010 organizuan punëtori të fokusuar në agrikulturë. Punëtoria kishte si qëllim diskutimin e aktiviteteve dhe projekteve për arritjen e objektivave të përcaktuara që kanë të bëjnë me këtë çështje tematike.

Pikat kryesore të punëtorisë ishin prezentimet e përfaqësuesve të MuSPP-it lidhur me çështjet dhe problemet e identifikuara në profilin e agrikulturës në Planin Zhvillimor Komunal (PZHK) dhe debatin që u fokusua në gjetjen e aktiviteteve dhe projekteve të cilat do të mund të qonin në përmbushjen e objektivave, p.sh.: përmirësimi i sektorit të agrikulturës dhe mbrojtja e tokës bujqësore, përmirësimi i sistemit të ujitjes, mbrojtja nga humbja e tokës bujqësore, zhvillimi i politikave bujqësore të cilat qojnë në rritjen e përdorimit të tokës bujqësore në harmoni me standardet e EU-së, qasje më e lehte në tokën bujqësore, promovimi i produketeve bujqësore në tregjet lokale dhe regjionale, rritja e gjedhave si dhe përmirësimi i organizimit.

Duke konsideruar se komuna ka zhvilluar strategji për zhvilim lokal, pjesëmarrësit u pajtuan se shumëllojshmëria e projekteve nga ky dokument mund të inkorporohet si pjesë e PZHK-së, ku  disa nga to kërkojnë studim më të fokusuar dhe debat me grupe tjera punuese. Gjithashtu si propozim doli edhe aranzhimi i takimeve tjera me qëllim të ofrimit të detajeve për projektet në të ardhmen.

Gjatë punëtorisë, pjesëmarrësit e theksuan nevojën për riorganizim brenda strukturave komunale dhe gjithashtu sugjeruan themelimin drejtorisë së agrikulturës si dhe institutionalizimin e grupeve të farmerëve, përpunuesve dhe shitësve. Poashtu si e nevojshme u pa ngritja e vetëdijes së popullatës për rëndësinë e kultivimit të tokës bujqësore pasiqë agrikultura aktualisht nuk vlerësohet nga të rinjtë si profesion fitimprurës.