Planerët, inxhinjerët, organizatat e shoqërisë civile, grupi nga shkolla e trafikut, Programi i Mbështetjes së Planifikimit Hapësinor Komunal (MuSPP) dhe përfaqësues nga komuna e Mitrovicës vizituan qytetin e Gjilanit. Qëllimi i vizitës ishte që të shihet implementimi i udhëkryqit dhe rehabilitimi dhe ndërtimi i lumit Mirusha në Gjilan që është i ngjajshëm me lumin Lushta në Mitrovicë. Takimi kishte si qëllim stimulimin e procesit të planifikimit pjesëmarrës por gjithashtu edhe që situatat në qytete të krahasohen dhe të diskutohen me akterët komunalë. 

Korridori i Gjelbër i Lumit Lushta do të bashkëfinancohet nga ana e Komunës së Mitrovicës dhe Programit për Mbështetjen e Planifikimit Hapësinor Komunal (MuSPP). Ky takim ishte një moment i favorshëm për shkëmbimin e ideve me ekspertët komunal të cilët tashmë i kanë analizuar, implementuar dhe zhvilluar zgjidhjet të ngjajshme me Lushtën. Përfaqësues nga Direktorati i Shërbimeve Publike në Gjilan; Enver Biçku dhe Asllan Mustafa prezentuan për situatën ekzistuese të infrastrukturës rrugore, parametrat shtesë të rugëve, pikat konfliktuoze të qarkullimit dhe për llojet e veturave që lëvizin në këtë zonë. Prezentimi u mbyll me rekomandime shtesë për transformimin e udhëkryqit klasik në rreth-rrotullim.

Takimi në fjalë i dha mundësi grupit nga Mitrovica që të mësojë nga eksperienca e Gjilanit, dhe që që këtë eksperincë të fituar ta aplikojnë në qytetin e tyre. Me këtë rast Ilir Gjinolli nga Urban Plus (kompania hartuese e planit për lumin Mirusha) i prezentoi idetë Urb-Arkitektonike për rregullimin e lumit Mirusha në Gjilan. Takimi u përmbyll me vizitë në vendin e projektit.