Organizata Botërore e Shëndetësisë (WHO) Zyra në Prishtinë në bashkëpunim me Programin e Mbështetjes së Planifikimit Hapësinor Komunal të UN-HABITAT-it dhe me Komunën e Prishtinës shënuan 7 Prillin – Ditën Botërore të Shëndetit.

Tryeza e rrumbullakët u organizua nën moton e sivjetme të Ditës Botërore të Shëndetit “1000 qytete 1000 jetë, “Shëndeti Urban ka rëndësi” që kishte si qëllim zhvillimin e ideve se si të menagjohet me urbanizimin e shpejtë dhe si të zhvillohen paradigma të reja të shëndetit publik.

Pjesëmrrësit prezent në tryezën e rrumbullakët “Shëndëeti urban ka rëndësi” u takonin fushave të ndryshme të cilët e shfaqën vizionin e tyre, të arriturat dhe problemet me të cilat ballafaqohet shëndetësia sot në nivelin global dhe në Kosovë.  

Takimi u nderua nga pjesëmarrja e Ministrit të Mjedisit dhe Planifikimit Hapësinor, zëvendës ministres së Shëndetësisë, koordinatores së Agjensive të Kombeve të Bashkuara në Kosovë, shefit të Zyres së OBSH-së në Prishtinë, zëvendës kryetarit të Komunës së Prishtinës, përfaqësuesit e UN-HABITAT-it, nga përfaqësuesit e agjensive të Kombeve të Bashkuara, ekspertë nga fushat e mjedisit dhe shëndetit, organizata të shoqërisë civile dhe qytetarë.

Prezentimet e bëra nga ana e panelistëve e sollën një pasqyrë të qartë se çfarë po ndodh në botë në lidhje me shëndetin urban dhje për mundësitë për përmirësimin e situatës ekzistuese dhe në promovimin e shëndetit dhe të qyteteve gjithpërfshirëse. 

Debati kryesisht kishte të bënte me qytetet në Kosovë derisa çështjet që u përmendën më së shumti ishin: siguria, sfidat shëndetësore që lidhen me ujin, mjedisi, violenca dhe lëndimet, faktorët e rrezikshmërisë si pirja e duhanit, dietat jo të shëndetshme, mosaktivitetet fizike, pirja e tëpruar e alkoolit, ku të gjitha këto u morrën si rekomandime nga ana e qeverisë qendrore dhe lokale si pjesë e politikave të tyre, për t’i bërë qytetet të zhvillohen si qytete të shëndetshme.