Si pjesë e mbështetjes për Komunën e Junikut, Programi i Mbështetjes së Planifikimit Hapësinor Komunal (MuSPP) në bashkëpunim me Drejtorinë e Urbanizmit të kësaj komune, e kanë hartuar Projektin Investues Kapital(CIP) për gjimnazin e Junikut “Kuvendi i Junikut”.

CIP-i i kësaj komune fokusohet në rregullimin e oborrit të shkollës që ndër të tjerash përfshinë edhe çështjet e qasjes në shkollë. Projekti është zhvilluar në mënyrë gjithpërfshirëse duke përfshirë palë të ndryshme si: nxënës, mësimdhënës, qytetarë nga shoqëria civile dhe nga Menagjmenti I shkollës të cilët u konsultuan dhe u ftuan në punëtori dhe takime.

Me pajtim të të gjitha palëve dizajni final i projektit është përgatitur dhe tashmë është gati të tenderohet për implementim. Shuma totale e projektit e kap shumën e 97 680 dollarëve amerikanë, dhe do të mbulohet në mënyrë të barabartë nga Komuna e Junikut dhe MuSPP-i, financuar nga Agjensia Suedeze për Bashkëpunim dhe Zhvillim Ndërkombëtar (Sida).

Me 10 Gusht 2010, kryetari i Junikut z. Agron Kuci dhe kryekëshilltarja teknike e MuSPP-it znj. Krystyna Galezia do t’i shkëmbejnë marrëveshjet e bashkëpunimit për implementimin e projektit të lartpërmendur. Ceremonia e shkëmbimit të marrëveshjeve do të fillojë në 11.30 në ndërtesën e Komunës së Junikut.