Me 10 Gusht 2010 në ora 8, në hapësirat e Programit të Mbështetjes së Planifikimit Hapësinor Komunal të UN-HABITAT-it, z.Qemajl Mustafa, kryetar i Komunës së Gjilanit dhe kryekëshilltarja teknike e MuSPP-it, znj. Krystyna Galezia, i shkëmbyen marrëveshjet e bashkëpunimit për implementimin e Projektit Investues Kapital në Gjilan. MuSPP-i në bashkëpunim me Komunën e Gjilanit dhe Institutin e Inxhinjerisë së Tërmeteve dhe Seizmologjisë në Shkup, Maqedoni (ISIIZ) i kane inspekuar hapësirat shkollore në komunën e Gjilanit se sa janë rezistuese karshi tërmeteve.

Si rezultat i inspektimit të ndërmarrë në gusht të vitit 2009, u konstatua se ndërtesat nga betoni, strukturalisht përputhen me mjedisin seismik në të cilin edhe janë ndërtuar, derisa kategoria e ndërtimeve me tulla kanë nevojë për riparim dhe përforcim. Me këtë rast, duke i konsideruar karakteristikat e ndërtimeve ( madhësia e ndërtimit, akomodimi i nxënësve, lloji i strukturës së ndërtimit dhe arsyeshmëria ekonomike), është vendosur që të bëhet përforcimi i Qerdhës së fëmijëve “Ardhmeria 2” si projekt i përbashkët i Programit të Mbështetjes së Planifikimit Hapësinor Komunal financuar nga Agjensia Suedeze për Bashkëpunim dhe Zhvillim Ndërkombëtar (Sida) dhe Kuvendi Komunal i Gjilanit në vlerë të përgjithshme prej 224,021 dollarëve amerikan, dhe do të financohet nga të dy palët. Detajet rreth këtij projekti janë gati të tenderohen, dhe vlerësohet se punët do të kryhen deri në fund të Nëntorit 2010.