Kryetari i Ferizajt z.Bajrush Xhemaili dhe udhëheqësja e MuSPP-it znj. Krystyna Galezia, në hapësirat e Komunës së Ferizajt i shkëmbyen marrëveshjet e bashkëpunimit për implementimin e Projektit Investues Kapital, gjatë takimit të zhvilluar me 12 Gusht.

Ky dokument i specifikon përgjegjësitë e palëve në bashkë-financimin e projektit investues kapital (CIP) për “projektin e reduktimit të vërshimeve” për lumin Nerodime afër Urës së Dudit. Zhvillimi i këtij CIP-i doli si rezultat i analizimit të reduktimit të përmbytjeve nga ana e MuSPP-it, Komunës së Ferizajt dhe Institutit të Inxhinjerisë së Tërmeteve dhe të Seizmologjisë (IZIIS) që ishte në pëlqim me Planin Zhvillimor Urban. CIP-i i Ferizajt është produkt i bashkëpunimit në mes të stafit profesional të MuSPP-it dhe Komunës së Ferizajt. Projekti kishte karrakter pjesëmarrës në të cilin u involvuan grupe të ndryshme qytetarësh. Qëllimi kryesor i këtij projekti investues kapital është reduktimi i përmbytjeve në zonat e identifikuara të rrezikut që përfshin regullimin e shtratit të lumit Nerodime në gjatësi prej 300 metrash, por gjithashtu edhe duke e përmirësuar qasjen në lum, duke ofruar hapësirë të lirë lëvizjeje për qytetarë dhe zona të gjelbëruara. Shuma totale e projekit është 209 192 dollarë dhe do të mbulohet nga Programi i MUSPP-it financuar nga Agjensia Suedeze për Zhvillim dhe Bashkëpunim Ndërkombëtar dhe Komuna e Ferizajt.

Kryetari i Ferizajt  z. Xhemajli e shprehu dëshirën e komunës për zgjerimin e përmirësimit të shtratit të lumit edhe në të ardhmen, duke përdorur konceptin teknik dhe parametrat e këtij projekti.