Plani Zhvillimor Komunal për Junikun është në fazën e tij finale. Me 14 Shtator, u organizua një punëtori, ku morrën pjesë përfaqësues nga e ekipa e Programit të Planifikimit Hapësinor Komunal (MuSPP), kuvendi komunal, organizatat e shoqërisë civile dhe organizata tjera që punojnë me Komunën e Junikut si EULOG-u dhe OSBE-ja.

Kjo punëtori kishte për qëllim të vënies në prioritet të projekteve/aksioneve që dalin nga punëtoritë e tjera tematike dhe proceset konsultuese me ekspertë, përfaqësues nga organizatat civile, ministritë, si dhe nga akterë dhe organizata të tjera relevante. Në këtë takim, u caktuan organizatat dhe institucionet që do ta mbështesin implementimin e çdo projekti /aksioni që do të ndërmirret. Gjithashtu në këtë takim u analizuan dhe u diskutua edhe për implikimet buxhetore dhe kohore. Rezultatet e punëtorive do të shqyrtohen dhe anlizohen me drejtorë komunalë me qëllim të nxjerrjes së këndvështrimit politik.

Kjo detyrë e nënvizon kompletimin e hartimit të PZHK-së dhe ia hap dyert procesit të diskutimit publik – proces ky i diskutimit të gjerë publik me qytetarë, grupe të ndryshme të interesit si dhe me institucione.