“Konferenca mbi Vizionimin si mjet i planifikimit pjesëmarrës” është organizuar nga UN-HABITAT/ Programi i Mbështetjes së Planifikimit Hapësinor Komunal“(PMPHK) i financuar nga Sida, dhe Ministria e Mjedisit dhe Planifikimit Hapësinor, përkrahur nga Ministria e Administrimit të Pushtetit Lokal, Friedrich Ebert Stiftung dhe Trashëgimia Kulturore pa Kufij.

Punëtoritë e vizionimit kanë qenë aktivitete të planifikimit gjithëpërfshirës, të organizuara më një pjesëmarrje aktive të zyrtarëve të pushtetit lokal dhe organizatave të shoqërisë civile nga nëntë komunat e Kosovës.

Qëllimi kryesor i Konferencës është të kuptuarit e mirëfilltë të fuqisë së vizionimit pjesëmarrës si mjet I planifikimit dhe ndikimin e tij në organizimin e ardhshëm territorial dhe menaxhimin e ndonjë lagjeje, qyteti ose regjioni bazuar në konceptet dhe vizionin e përbashkët. Gjithashtu, synon ngritjen e qeverisjes së mirë perms metodave të planifikimit pjesëmarrës dhe çështjeve të ndjeshme gjinore.

Konferenca do t’i sjellë së bashku një numër të komunave duke filluar prej atyre që janë në fillim të procesit të planifikimit hapësinor deri tek ato që janë duke i implementuar planet e tyre. Gjithashtu, konferenca do të ofrojë mundësinë e shkëmbimit të eksperiencave me përfaqësuesit e shteteve të ndryshme mbi temat e ndërlidhura.

Konferenca nuk do të ofrojë vetëm një vështrim të asaj që është bërë në ciklin e parë të punëtorive të vizionimit por gjithashtu do të nxjerr rekomandime dhe udhëzime për ciklin e ardhshëm të vizionimit, të rezultuar në Notë Këshillëdhënëse nga PMPHK për bashkëpunëtorët e tij në nivelin qëndror dhe lokal.

Konferenca do të mbahet në Hotel Grand, Prishtinë/Priština, më 9 Nëntor, 2010, duke filluar në 09:30.