Ceremonia e hapjes së diskutimit publik të draftit të Planit Zhvillimor Komunal(PZHK) të Hanit të Elezit, u mbajt të premten, me 17 dhjetor  2010 në Shtëpinë e Kulturës në Hanin e Elezit. PZHK-ja është hartuar nga ana e stafit komunal të Hanit të Elezit, nga Drejtoria për Urbanizëm, Kadastër dhe Mjedis, në mbështeteje të Programit të Planifikimit Hapësinor Komunal (MuSPP) dhe Institutit të Planifikimit Hapësinor (IPH) në kuadër të Ministrisë së Mjedisit dhe Planifikimit Hapësinor (MMPH). Në fjalën hyrëse, zëvendës-kryetari i Hanit të Elezit, Muzafer Dernjani e përmendi rëndësinë e PZHK-së për zhvillimet e ardhshme duke e falenderuar UN-HABITAT-in në të njejtën kohë.

Ishaku Maitumbi, nga UN-HABITAT-i theksoi se kjo është një mundësi e mirë për qytetarët e Hanit të Elezit që t’i shprehin opinionet dhe komentet e tyre në kuadër të procesit pjesëmarrës të PZHK-së. Takimi vazhdoi me fjalimet e bëra nga Agim Radoniqi, Drejtor i Departamentit të Planifikimit Hapësinor dhe nga Luan Nushi, Drejtor i Institutit të Planifikimit Hapësinor, në kuadër të MMPH-së. Nexhmedin Daci, drejtor i Urbanizmit në Hanin e Elezit, e prezentoi draftin e PZHK-së që është dokument gjithëpërfshirës dhe multi-sectorial që ka për qëllim të ofrojë vizion të qartë për zhvillimin e ardhshëm komunal për këtë territor dhe në te njejtën kohë edhe t’i drejtojë proceset zhvillimore, si përdorimi i tokës, zhvillimi socio-ekonomik, si dhe konzervimi dhe zhvillimi i trashëgimisë kulturore dhe natyrore. Komuna e Hanit të Elezit, është komuna e dytë pas Junikut, që e filloi qasjen “ e bërjes vet” të Planit Zhvillimor Komunal, qasje kjo ndryshe nga praktika e deritanishme të bërjes së planeve nga kompanitë komerciale.  Shqyrtimi publik i draftit të PZHK-së do të jetë i hapur deri me 17 Shkurt 2011.