Me 7 Shkurt 2011, Komuna e Junikut zyrtarisht ia dorëzoi Ministrisë së Mjedisit dhe Planifikimit Hapësinor (MMPH) draftin e Planit Zhvillimor Komunal tw Junikut për pëlqim.

Drafti i PZHK-së i plotëson të gjitha obligimet ligjore, duke përfshirë edhe procesin e shqyrtimit publik, në të cilën periudhë plani u hap për qytetarë dhe akterë të ndryshëm që t’i japin mendimet dhe komentet e tyre dhe të ngrisin çështje dhe propozime për këtë plan para se plani t’i dorëzohet Ministrisë së Mjedisit dhe Planifikimit Hapësinor për pëlqim dhe para miratimit të tij nga Kuvendi Komunal i Junikut.  

PZHK-ja e Junikut është shembulli i parë në Kosovë ku PZHK-ja është hartuar me një qasje tjetër në krahasim me praktikat e deritanishme. Plani është hartuar nga stafi komunal i Junikut në mbështetje të MuSPP/UN-HABITAT-it, Trashëgimisë Kulturore pa Kufi (CHwB) dhe Institutit të Planifikimit Hapësinor në kuadër të MMPH-së.   

Pas aprovimit të tij, PZHK-ja e Junikut do të shërbejë për udhëheqjen e zhvillimit të ardhshëm të Junikut.