Komuna e Prizrenit në bashkëpunim me Konzorciumin e kontraktuar për hartimin e Planit Zhvillimor Komunal (PZHK), e ka kompletuar fazën e katërt dhe të pestë të draftit të parë të "PZHK-ja e Prizrenit 2010 - 2025+". Hartimi i PZHK-së, kishte karakter pjesëmarrës, gjithpërfshirës dhe transparent, ku gjatë tërë procesit mbështetje ka dhënë UN-HABITAT-i përmes Programit të Mbështetjes së Planifikimit Hapësinor Komunal (MuSPP).

Me qëllim të inkurajimit të publikut, akterëve dhe të gjitha palëve të interesuara për të dhënë mendimet e tyre për draftin e parë të PZHK-së, në përputje me Ligjin për Planifikim Hapësinor të Kosovës, me 24 Mars, në Asamblenë Komunale të Prizrenit u hap shqyrtimi publiK për draftin e parë të PZHK-së. Në këtë takim morrën pjesë përfaqësues të komunës, shoërisë civile, kompanisë hartuese, Ministrisë së Mjedisit dhe Planifikimit Hapësinor, UN-HABITAT-it dhe USAID-it.

Në takim u prezentuan dy fazat finale të PZHK-së. Prezentimi i Veprimeve dhe Strategjisë Implementuese, i demonstroi strategjitë dhe veprimet e nevojshme për arritjen e qëllimeve të përcaktuara për periudhën e caktuar; ku prezantimi i fazës së zbatimit të dispozitave i prezentoi dispozitat që janë më thelbësore për ta siguruar zbatimin e PZHK-së. 

Pjesëmarrësit i dhanë rekomandimet dhe sugjerimet për komunën dhe kompaninë e kontraktuar për draftin ekzistues të PZHK-së. Megjithkëtë, pritet që ata t’i japin edhe  komentet e shkruara gjatë periudhës së shqyrtimit publik. Shqyrtimi publik do të vazhdojë në 60 ditët e ardhshme, ashtu siç kërkohet nga Ligji për Planifikim Hapësinor i Kosovës.