Programi për Mbështetjen e Planifikimit Hapësinor Komunal, financuar prej Qeverisë Suedeze përmes Sida-s, është duke e hapur fazën e tretë të programit.

PSE faza e tretë e Programit për Mbështejtjen e Planifikimit Hapësinor Komunal?

Propozimi për vazhdimin e Programit të Mbështetjes së Planifikimit Hapësinor Komunal (MuSPP) është përgatitur t’i përgjigjet kërkesës së Ministrit të Mjedisit dhe Planifikimit Hapësinor për ta përkrahur planifikimin hapësinor she urban, si dhe çështjet tjera në 12 komunat e përzgjedhura. 

Shkurtimisht, MuSPP3 paraqet vazhdimësinë e proceseve dhe metodave të aplikuara në projektet e mëhershme me fokus të qartë në fuqizimin e kapacitetit të planifikimit dhe menaxhimit të komunave, për përkrahjen e zhvillimit të qëndrueshëm.

Përmbajtja e projektit është përgatitur duke marrë parasysh prioritetet e qeverisë së Kosovës, nevojat e raportuara prej komunave, objektivat e bashkëpunimit të Sida-s dhe mandatin e UN-HABITAT-it, si dhe mësimet e mësuara dhe përvojat prej fazave të mëhershme të MuSPP-it.

Objektivat e veçanta të programit janë si në vijim:

Objektivi 1: Kontribuoj në zhvillimin e qëndrueshëm të komunave partnere përmes intervenimeve të planifikimit gjithëpërfshirës dhe strategjik me fokus të veçantë në mjedis.

Objektivi 2: Ngritja e demokracisë lokale përmes proceseve të planifikimit komunal transparent dhe pjesëmarrës.

Objektivi 3: Përmirësimi i mjedisit fizik përmes projekteve demonstruese të identifikuara dhe dizajnuara përmes intervenimeve të planifikimit urban.   

Programi për Mbështetjen e Planifikimit Hapësinor Komunal, implementuar prej UN-HABITAT-it

Kush: Krystyna Galezia, Krye-këshilltare teknike/ Udhëheqëse e Zyrës së UN-HABITAT-it programit në Kosovë

Çka:  Hapja zyrtare e fazës së tretë të Programit për Mbështetjen e Planifikimit Hapësinor Komunal

Kur: E Enjte, 1 Dhjetor  2011, 10:30 – 12:00

Ku:  Salla e konferencës, në katin përdhesë të objektit të Ministrive “Rilindja”  Prishtinë

Pse: Hapja zyrtare e Fazës së tretë të Programit për Mbështetjen e Planifikimit Hapësinor Komunal, implementuar prej UN-HABITAT-it. 

Agjenda do të përfshijë përmbledhjen e të arriturave dhe impaktin e MuSPP2, dhe prezantimin e aktiviteteve të ardhshme nën MuSPP3.  Gjithashtu do të keni mundësi të diskutoni dhe komentoni si dhe keni rastin t’i takoni përfaqësuesit e Sida-s dhe Zyrës së UN-HABITAT-it në Nairobi. 

Objektivi i përgjithshëm i fazës së 3-të të Programit për Mbështetjen e Planifikimit Hapësinor Komunal është të kontribuoj në zhvillimin e qëndrueshëm multi-etnik të Kosovës përmes zhvillimit të planifikuar dhe balancuar të komunave, të zonave urbane dhe rurale si dhe të lagjeve, poashtu integrimin e komuniteteve në planifikim, zhvillim dhe proceset e implementimit duke e sjellur Kosovën më afër integrimin në BE.