Takimi i 6-të për shqyrtimin e deklaratës së Vjenës u mbajt prej 3 deri me 4 Qershor 2010 në Budapest. Takimi u organizua nga UN-HABITAT-i zyra e Varshavës në bashkëpunim me Qendrën Regjionale Hungareze për Njohuri Urbane.

Vendet anëtare të Deklaratës së Vjenës respektivisht shtetet e Evropës Jug-Lindore u paraqitën nga zyrtarë të nivelit qendor, ekspertë regjiional të nivelit lokal, nga OJQ-të, studiues por gjithashtu edhe ekspertë ndërkombëtarë dhe organizata të ndyshme.

Të arriturat kryesore dhe sfidat (që nga Shkurti 2009) u prezentuan dhe u diskutuan për çdo shtet të EJL-së. Sa i përket integrimit të vendbanimeve joformale dhe grupeve të rrezikuara në praktikë, u prezentuan disa raste studimore, që pasuan me diskutim interaktiv ku u përmendën implementimi, mjetet dhe mësimet e mësuara.

Delegacioni i Kosovës, i përbërë nga përfaqësues nga Ministria e Mjedisit dhe Planifikimit Hapësinor (Departamenti i Banimit dhe Ndërtimit), Komuna e Pejës dhe UN-HABITAT-i zyra në Kosovë, u paraqit me Planin Urban Rregulaltiv për vendbanimin joformal të Zatrës në Komunën e Pejës, prezentuar nga planerët lokal, znj.Vjollca Zatriqi-Shala si dhe z.Shkelqim Daci. Përfaqësues i Asociacionit të Komunave të Kosovës, si pjesë e NALAS-it (Network of Association of Local Authorities in South-East Europe) ishte poashtu prezent.

Për këtë rast që ishte një mundësi e mirë për vendet anëtare që të informohen rreth hartimit të sistemit të monitorimit për deklaratën e Vjenës u prezentua nga Dr.Sasha Tsenkova nga Universiteti i Kalgarit në Kanada. Diskutimi u fokusua gjithashtu edhe në dokumentin e propozuar për programin regjional për ngritjen e kapaciteteve (orientimet strategjike, aktivitetet, rregullimet institucionale, etj.) si dhe në mbështetjen financiare dhe politike për të vazhduar tutje.

Takimi regjional për Deklaratën e Vjenës ishte një mundësi e mirë për shkëmbimin e përvojave dhe informatave ndërmjet vendeve të EJL-së për situatën ekzistuese në fushën e vendbanimeve joformale, procesin e legalizimit dhe në projektet e ardhshme të planifikuara që kanë për qëllim rregullimin dhe përmirësimin e këtyre vendbanimeve.

Kosova ka rëndësi të madhe për Deklaratën e Vjenës ku merr pjesë në takimet e saj që nga viti 2005. Takimet e rregullta ofrojnë prezentim të të arriturave të vendeve anëtare në adresimin e çështjeve që kanë të bëjnë me vendbanimet joformale.