Për kremtimin e Ditës së Evropës në Kosovë, Zyra Ndërlidhëse e Komisionit Evropian në bashkëpunim me Programin e Mbështetjes së Planifikimit Hapësinor të UN-HABITAT-it, Komunën e Prizrenit, Federatën Kosovare të Çiklizmit dhe Qendrën Rinore Fisnikët organizuan turneun çiklistik në Prizren me 5 Maj 2009.

Aktiviteti filloi nga Hotel Theranda dhe vazhdoi deri te Xhamia e Sinan Pashës, përmes Manastirit të Arqangjelit, Hamamit të Gazi Mehmet Pashës, Urës së Soziut, Urës së Gurit dhe Urës Arasta. Rreth 70 pjesëmarrës ishin pjesë e këtij turneu.

Ramadan Muja, kryetar i Prizrenit, e përshendeti organizimin e kësaj gare si mënyrë e promovimit të bukurive të qytetit dhe rrethinës. Gjithë ky atraksion në Prizren                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                     u përshkua nga çiklistët, edhe pse distanca mund të përshkuhej edhe në ecje. Turneu tregoi se qyteti i Prizrenit  ka nevojë të ekspozohet në këtë mënyrë. Turneu gjithashtu tregoi se MuSPP-i promovon përfshirjen efektive për lehtësimin e çiklizmit dhe të ecjes në brendi të qytetit dhe në veçanti në perimetër të Zonës Mbrojtëse të Trashëgimisë Kulturore.

Aktivitet i njejtë është organizuar edhe vjet ku rreth 100 pjesëmarrës i përshkuan vendet e trashëgimisë kulturore në Rrafshin e Dukagjinit, nga Peja në Gjakovë, përmes Isniqit, Deqanit dhe Junikut. Më vonë në këtë vit, planifikohet edicion i ri Turneut Kulturor.