Me 6 Tetor, Dita ndërkombëtare e Habitatit 2008 me moton “qytetet e harmonizuara” u mbajt në Prizren, qytet historik në Kosovë. Zyrtarët komunalë, përfaqësues nga OJQ-të lokale, nxënës nga dy shkolla si dhe stafi i MuSPP2 / UN-HABITAT qenë pjesëmarrës në aktivitetet në garën në vizatim dhe në diskutimin në lidhje me sfidat e e harmonizimit të mjedisit të ndërtuar dhe atij natyror.

Dy grupe nxënësish, njëri i përbërë me nxënës shurdh-memecë morën pjesë në garën e vizatimit, ku përmes punimeve të tyre e shprehën vizionin e tyre për qytetet ku mjedisi i ndërtuar dhe ai natyror ekzistojnë në harmoni në mes vete. E rëndësishme për pjesëmarrësit në diskutim, profesionistë dhe amatorë, ishte të njihen me atë se çka duhet të përmirësohet apo të ndryshohet në mjedisin e ndërtuar që të bëhet më I favorshëm dhe I pranuar karshi nevojave të fëmijve. Në vizatime, qytetet u paraqitën me zona të gjelbëra, drunj, fusha lojërash, më pak ndërtime dhe trafik. Këto punime janë të vendosura në Pallatin e Kulturës dhe është planifikuar që këto vizatime të përdoren si ilustrime për kalendarin e vitit 2009, që do të publikohet.

Idetë e prezentuara në vizatimet e tyre nga fëmijtë e inspiruan diskutimin se si duhet të ekuilibrohen kërkesat e një zhvillimi të qëndrueshëm urban, duke I kushtuar rëndësi kualitetit të shërbimeve urbane dhe mjedisit të shëndoshë natyror. Diskutimi u fokusua edhe në një aspekt tjetër që kishte të bëjë me promovimin e rëndësisë së zhvillimit të balancuar dhe të qëndrueshëm në mes të profesionistëve dhe publikut. Pjesëmarrësit në takim u pajtuan se fushatat e vetëdijësimit nevojiten për ngritjen e janë të ngritjes së ndjenjës së përgjegjesisë në mes të qytetarëve për gjendjen në qytet, pastërtinë dhe rendin, pastërtinë e lumit, mbrojtjen e zonave të gjelbëra në afërsi të monumenteve kulturore dhe historike, si p.sh Kalaja.

Këto lloje të aktiviteteve si ky kane për qëllim promovimin e aspekteve të ndryshme të urbanizmit, duke kontribuar në mirëkuptim të sfidave të planifikimit modern urban në Kosovë dhe më gjerë.