Menagjmenti i Programit për Mbështetjen e Komunave në Planifikimin Hapësinor Komunal u takua me kryetarin e posazgjedhur të Komunës së Mitrovicës me 12 Shkurt 2010, për të diskutuar për bashkëpunimin me këtë komunë në të ardhmen.

Takimi ishte një mundësi e mirë për kryetarin e ri që t’i prezentohet programi si dhe prioritetet zhvillimore. Aktualisht, ekipa e MuSPP-it i mbështet departamentet komunale në hartimin e projekteve, që do të financohen nga komuna dhe MuSPP-i.

Takimi u fokusua në implementimin e projekt propozimit për përmirësimin e qasjes në Shkollën Fillore ”Meto Bajraktari” si dhe në vazhdimin e projektimit për përmirësimin e zonës rreth lumit Lushta dhe lidhjes me rrjetin rrugor urban, brenda qendrës së qytetit. I tërë projekti dhe proceset e projektuara me pjesëmarrje janë bërë në bashkëpunim të ngushtë, me përfshirje direkte të zyrtarëve komunalë dhe grupeve tjera të akterëve. Kjo eksperiencë njihet si masë e vlefshme për krijimin e kapaciteteve dhe vlerësohet nga të gjitha palët e involvuara në zvhvillimin e projektit.

Kryetari e falenderoi MuSPP-in për mbështetje konstruktive dhe të frytshme dhënë Mitrovicës, dhe siguroi se do të angazhohet plotësisht në implementimin e projekteve aktuale, duke shpresuar se bashkëpunimi me MuSPP-in do të vazhdojë edhe në çështje të tjera.