Komuna e Ferizajt, në mbështetje të Programit të Mbështetjes së Planifikimit Hapësinor Komunal në Kosovë (MuSPP) financuar nga Sida dhe implementuar nga UN-HABITAT-i kanë hartuar komponentat e  DRAM-it dhe Transport-it në kuadër të PZHK/PZHU-së.  

Me qëllim të të një procesi të planifikimit më transparent, pjesëmarrës dhe gjithpërfshirës, diskutimi publik në fokus do ta ketë komponentën e Vlerësimit dhe Menagjimit të Rreziqeve dhe Fatkeqësive Natyrore dhe Transportin. Prezentimi u mbajt me 25 Mars 2011, në sallën e Kuvendit Komunal të Ferizajt. Në të morrën pjesë përfaqësues nga Ministria e Mjedisit dhe Planifikimit Hapësinor (Departamenti i Planifikimit Hapësinor), Ministria e Zhvillimit Ekonomik – Instituti për Seizmologji, përfaqësues nga komuna fqinje e Gjilanit – Drejtoria për Urbanizëm dhe Emergjenca, Shërbimi Policor i Kosovës – Departamenti i Zjarrfikësve, OSBE-ja, shoqëria civile, mediat lokale në Ferizaj si dhe përfaqësues të MuSPP-it. Shprehur në shifra, në këtë takim morrën pjesë rreth 60 pjesëmarrës.

Qëllimi i prezentimit publik ishte paraqitja e rezultateve të komponentave, dhe marrja e opinioneve dhe komenteve nga institucionet relevante, akterët dhe publiku me qëllim të përmirësimit të draftit përfundimtar të këtyre dokumenteve. Drafti i këtyre dokumenteve i prezentuar në këtë takim, ua jep mundësinë pjesëmarrësve t’i japin edhe në formë të shkruar.

Në fjalën e saj hyrëse, drejtoresha për Urbanizëm, Kadastër dhe Mjedis në Komunën e Ferizajt, Znj.Qazime Vata, theksoi se Komuna e ka miratuar PZHK/PZHU-në me 2009, por megjithkëtë ata vlerësuan se disa kapituj kanë nevojë të përmirësohen, dhe me këtë qëllim janë hartuar dokumentet e DRAM-it dhe Transportit, që do të kontribojnë në kontrollin e zhvillimit të zonave të rrezikuara nga fatkeqësitë si dhe në zhvillimin e Mobilitetit dhe Transportit në hartimin e planeve rregulluese urbane.  

Z. Ishaku Maitumbi (Zyrtar në detyrë i UN-HABITAT-it) e nënvizoi rëndësinë e dokumenteve dhe theksoi se fatkeqësitë nuk mund të parashikohen, por me planifikim, efekti i fatkeqësive mund të reduktohet.

Përfaqësuesi i Insitutit të seizmologjisë, Z. Shemsi Mustafa, e theksoi rëndësinë e aplikimit të kodeve të ndërtimit, duke konsideruar se regjioni i Ferizajt ndodhet në zonë të rrezikuar seizmike. Ai theskoi se harta e re sezimike në Kosovë është në dispozicion. Po ashtu kishte edhe opinione të ndryshme nga qytetarët për lokacionin e qendrës së Mobilitetit.  

Pas diskutimit publik, dokumentet iu shpërndanë pjesëmarrësve për komente. Shqyrtimi përfundimtar do të bëhet pas pranimit të komenteve nga diskutimi publik, ku pastaj dokumentet përfundimtare do të dorëzohen në Kuvendin Komunal për miratim.