Ekipa e UN-HABITAT/ MuSPP-it në bashkëpunim me Komunën e Pejës dhe kompaninë private Urban Plus, e angazhuar në hartimin e planit regullativ të qendrës së qytetit, organizuan një takim konsultues me 23 Tetor, me komunitetin lokal, pronarët e bizeneseve dhe më ekspertët komunalë. Ky takim u organizua me qëllim të gjetjes së një zgjidhjeje urbane për Sheshin Skenderbeu, si pjesë e propozuar për projektin investues capital e që është në përputhje me planin rregullativ për qendrën e qytetit.

Përmirësimi i hapësirës publike në këtë shesh do të bashkëfinancohet nga UN-HABITAT-i si project i investimit capital. Në përputhje me rekomandimet e dala nga PZHK/PZHU-ja e Pejës që tani më është aprovuar, ky projekt ka si qëllim të krijojë hapësira të qasshme për njerëzit dhe ta optimizojë shfrytëzimin e hapësirave publike, përmes promovimit të transportit jomotorik, ecjes dhe çiklizmit.

Z. Modest Gashi, përfaqësues i Komunës së Pejës, në fjalën hyrëse e përmendi rëndësinë e këtij projekti, dhe ndikimin e tij në përmirësimin e hapësirave publike, derisa ekipa e MuSPP-it, në komunën e Pejës e shpjegoi arsyen e procesit të hartimit të projektit.

Teknika e përdorur i inkurajoi të pranishmit të komentojnë dhe t’i shprehin idetë e tyre për  përparësitë/mundësitë dhe rreziqet/dobësitë e kësaj zone.

Aspekte të ndryshme të zonës u analizuan, siç është rasti me transportin dhe lëvizshmërinë, atraktivitetin, zonat e gjelbra, dhe këto rezultate e dhanë një fond të çmuar për disenjimin e zonës. Përveç kësaj, pjesëmarrësit e nënvizuan rrezikun nga vërshimet të cilat do të mund ta prekin këtë zonë.

Propozimet e dala nga ky takim do të përdoren për disejnimin e skenarit urban, por në të njejtën kohë ky projekt propozim do të jetë në vijë me Planin Rregullativ Urban. Ky takim do të pasohet, nga një takim tjetër me komunitetin lokal me qëllim të prezentimit dhe diskutimit të project propozimit për dizajnin urban.