Përfaqësuesit e SIDA-s dhe MuSPP-it u takuan me Ministrin e Mjedisit dhe Planifikimit Hapësinor, Mahir Yagcilar të marten me 14 Janar, në kuadër të agjendës së Takimit Shqyrtues Tre Palësh.

Takimi u fokusua në mësimët e fituara nga mbështetja e dhënë MMPH-së dhe në gjenerimin e ideve të reja për vazhdimin e bashkëpunimit në mes të UN-HABITAT-it dhe MESP-it në të ardhmen.

Në fjalën hyrëse, Ministri u shprehu mirënjohje UN-HABITAT-it dhe Sida-s në lidhje me programin e MuSPP-it për mbështetjen e dhënë ministrisë dhe komunave të Kosovës si dhe u ndal te vazhdimi i bashkëpunimit në mes të UN-HABITAT-it dhe MESP-it.

Prioritetet e ministrisë që kërkojnë mbështetje nga UN-HABITAT-i, sipas Ministrit Yagcilar kanë të bëjnë me implementimin e Planit Hapësinor të Kosovës pasi që të aprovohet nga Kuvendi i Kosovës, mbështetjen e pesë komunave të reja si rezultat i procesit të decentralizimit në hartimin e planeve komunale si dhe ndihmën për komuna tjera në Kosovë.

Vendbanimet joformale ishte çështja e radhës, ku zyrtarë nga MMPH-ja deklaruan se për hartimin e strategjive ju nevojitet mbështetje profesionale dhe financiare. Lidhur me këtë, ata theksuan se sidomos programi i banimit duhet të trajtohet në koordinim të përbashkët ndërmjet MESP-it dhe MuSPP-it.  “Komponenta e mjedisit duhet të jetë më e theksuar në planet zhvillimore komunale dhe urbane” tha minsitri, duke shtuar se mbështetja e UN-HABITAT-it në këtë fushë është e nevojshme. Delegacionet e UN-HABITAT-it dhe Sida-s u informuan gjithashtu edhe për ligjin për kryeqytetin i cili do të aprovohet shpejt dhe se Agjensia Kadastrale e Kosovës do të veprojë nën administrimin e MMPH-së.

Përfaqësuesit e Sida-s e përshëndetën progresin impresiv të programit që është i dukshëm sidmos në komunat e vogla ku dokumentet e planifikimit janë hartuar nga vet komunat me një përkrahje të fuqishme të stafit të MuSPP-it, me përfshirje të Institutit dhe Departamentit të Planifikimit Hapësinor, pjesë e Ministrisë së Planifikimit Hapësinor.

Tri palët e këtij takimi, Ministria e Mjedisit dhe Planifikimit Hapësinor, UN-HABITAT-i dhe Sida siguruan se mbështetja në procesin e planifikimit në të gjitha komunat e MuSPP-it do të vazhdojë për qëllim të një të ardhmeje më të mirë urbane në Kosovë.