Si pjesë e procesit për hartimin e Planeve Zhvillimore Komunale, Komuna e Hanit të Eelzit së bashku me Programin e Mbështetjes së Planifikimit Hapësinor Komunal, organizuan punëtori të dizajnit urban për përmirësimin e hapësirave publike të qendrës së qytetit të kësaj komune. Takimi u mbajt me 25 Shkurt dhe i mblodhi rreth 50 pjesëmarrës nga fusha të ndryshme, duke përfshirë zyrtarë komunal, pjesëmarrës nga shoqëria civile, të rinj, persona me aftësi të kufizuara si dhe përfaqësues nga komuniteti i bizneseve.  

Qëllimi kryesor i këtij takimi ishte që të identifikohet Projekti Investues Kapital (CIP), që do ta pasojë punëtorinë në fjalë. CIP ka për qëllim të ofrojë mundësi për komunitetin e Hanit të Elezit, pasiqë nuk ka asnjë hapësirë të dedikuar për banorë në qendër të qytetit. Qëllim I Komunës dhe MuSPP-it është edhe përmirësimi i kualitetit visual të qendrës së qytetit përmes kultivimit të hapësirave të gjelbëra.  

Stafi i MuSPP-it e prezentoi nevojën për dizajn dhe për ndërlidhjen e tij me Planin Zhvillimor Komunal (PZHK), që është në hartim e sipër. Takimi vazhdoi me prezentim të dizajnit urban nga ana e MuSPP-it, që kishte të bënte me analizat e planifikimit dhe dizajnit urban të qendrës së qytetit dhe identifikimin e përparësive dhe mangësive ekzistuese para detajizimit të mundësive të zonës.

Takimi vazhdoi me punën në grupe punuese, ku pjesëmarrësit u ndanë në katër grupe. Rezultatet e dala nga grupet punuese ishin edhe rekomandimet e para që kryesisht kishin të bënin me zhvendsojen e transmetuesve elektrikë nga qendra e qytetit, zhvendosjen e parkingut të komunës dhe shëndërrim e tij në zonë të gjelbër publike, krijimin e parkingjeve mbrapa objektit të komunës, largimin e rrethojave rreth objektit të Komunës, zgjerimin e qendrës së kulturës, rrënimin e ndërtesave të vjetra në afërsi të komunës, ndërtimin e një qerdheje, ndërtimin e një fontane etj.

CIP i propozuar për qendrën e qytetit të Hanit të Elezit do të financohet në mënyrë të barabartë nga UN-HABITAT-i dhe Komuna e Hanit të Elezit.