Zyrtarët komunal, stafi i MuSPP-it dhe akterë tjerë dukë përfshirë përfaqësuesit e “Little People of Kosovo”, OSBE, OJQ-ja Bypass, Asociacioni i të Shurdhërve, mësimdhënës dhe nxënës nga Shkolla Teknike “Arkitekt Sinani si dhe nga bizneset lokale u takuan me 4 Shkurt 2010 për të diskutuar për mundësitë e përmirësimit të zonës së Lumit Lushta në Mitrovicë.

Takimi filloi me vizitë në zonën përkatëse, ku pjesëmarrësve iu dha mundësia të identifikojnë barrierat e shfaqura gjatë lëvizjes dhe në të njejtën kohë të diskutojnë për mundësinë për përmirësim. Gjatë vizitës, pjesëmarrësit i kushtuan vëmendje çështjeve të mobilitetit, qasjes dhe aspekteve të sigurisë duke i shënuar ato në pyetësorin e vizitës. Ecja në zonë pasoi me një punëtori të mbajtur në Shkollën Teknike “Arkitekt Sinani”, ku pjesëmarrësit i shprehën idetë e tyre për zgjidhjen e problemeve të shfaqura gjatë vizitës së zonës, dhe në të njejtën kohë duke i shkëmbyer idetë për përmirësimin e infrastrukturës.  

Koncepti i projektit të “Lumit Lushta Korridor i Gjelbër” u prezentua para panelit për përzgjedhjen e projekteve të investimeve kapitale në Shtator 2009. Paneli i përbërë nga përfaqësues të Sida-s, CHwB-së dhe nga MMPH-ja shfaqën opinion pozitiv në lidhje më projektin duke e kualifikuar atë për implementim. Projekti është në fazën e projektimit derisa implementimi i tij do të financohet në mënyrë të përbashkët nga ana e Komunës së Mitrovicës dhe MuSPP-it. 

Korridoret e gjelbëra përreth tri lumenjve të qytetit janë pjesë e rëndësishme e Planit Zhvillimor Komunal si pjesë e përmirësimit te infrastrukturës së gjëlbër(të kaltër) të qytetit.  Projekti ka për qëllim përmirësimin e lidhjes ndërmjet Lumit Lushta me rrugët e qytetit dhe me trotuaret në tri lokalitete, me qëllim të funksionimit të këtij lumi.