Punëtoria e Menagjimit të Rreziqeve natyrore (DRAM) dhe ndryshimeve klimatike u mbajt në Junik, më 2 Mars 2010 si pjesë e procesit të hartimit të Planit Zhvillimor Komunal të Junikut (PZHK). Në këtë punëtori morën pjesë stafi profesional i Komunës së Junikut dhe Programit të Mbështetjes së Planifikimit Hapësinor Komunal, të cilët ishin edhe organizatorë të punëtorisë. 

Qëllimi kryesor i punëtorisë ishte që të diskutohen çështjet e DRAM-it dhe zhvillimi i projekteve/propozimeve të mundshme në këtë fushë të cilat më pas do të përdoren si ndihmesë për PZHK-në. Punëtoria që u fokusua në ndryshimet klimatike dhe ndikimin e tyre në zhvillimin hapësinor, e nxiti diskutimin brenda pjesëmarrësve për nevojën e aktiviteteve dhe kampanjës vetëdijësuese për t’i parandaluar rreziqet ekzistuese.

Cështjet dhe objektivat e DRAM-it identifikuar gjatë hartimit të profilit të PZHK-së u diskutuan, u rishqyrtuan derisa zonat e rrezikuara u gjetën në hartë. U konstatua se aksionet që duhet të ndërmerren nuk kanë të bëjnë vetëm me çështjet si prerja e drunjve, erozioni, rrëshqitjet e dheut dhe aktivititetet njerëzore që shkaktojnë rrezik në rast të tërmeteve dhe zjarreve, por gjithashtu u fokusua edhe në aspektin organizativ dhe aspektet ligjore.

Punëtoria u karakterizua me atmosferë të mirë pune dhe entuziazëm të përfaqësuesve komunal për dhënien e rezultateve dhe bërjen e detyrave që pasojnë.